الى ........خطيبتى

أحمد طاحون يكتب لخطيبته

اكتب لكي بعض الكلمات

تعبر عن حبي لكي وعشقى

احبكي جدا يا احلى الاميرات

وأعشق كل شيءفيكي ياعمري

اكتب اسمكي على جميع الورقات

وأتخيل وجهكي امام عيني

ارسم شكلكي على جميع اللوحات

وأكتب أحبكي في جميع كتبي

اسهر لأجلكي جميع الليلات

وأكتب لكي شعرا يا حبي

امشي وأركض في الطرقات

عسى ان اراكي يا قلبي

احسب وأحصي عدد المرات

التي اراكي فيه تبتسمي

باموت يا مصر المتباعة

قصيدة مدد للشاعر الكبير / جـمـال بخيت

باموت يا مصر المتباعة

باموت يا مصر المنهوبة

شمسك تسير عكس الساعه

والعين على العَمَى مغصوبة

الصفر خيم على زمنك

وعروق رقابتك مطلوبة

على الحدود قتلوا ولادك

وتقفى ساكته .. ومرعوبة
مدد يا هـيكل .. يا ضميرى

مـدد يا كامـل يا زهيــــرى

مـدد يا قاضى يا خضيرى

مـدد يا مِـكى يا زكريا

يا جورج اسحاق

يا مسيرى

يا بسطويسى يا حرية

مـدد يا أجمل أعصايرى

مدد يا قلب الوطن الحر

مدد يا سيرة عوض المر

مدد يا ندهة كمال خليل

مدد يا حلم ندى القصاص

مدد يا خط رؤوف عياد

شقيان وماشى بكل عناد

مدد يا قمح سكينه فؤاد

مــدد يا بنت يا مصـريه

يا جمـيله يا أخت بهيه

مدد يا شِعر العـاميه

مدد يا صاحبى اللي قاسمته

مدد يا عِلم اتعلمته

من عم عودة وصدقى عزيز

شباب لبس وش العواجيز
مــدد يا سورة إخلاصي

مدد يا خويا وتاج راسي

يا معصراوي .. يا حسين

يمـدد يا ست نهى الزيني

يـا فجر صبّح على عـينى

صالح ما بين نفسى وبينى

وقاللي دي الست القاضيه

كشفت عن الألوان زيفها

وخلت الورده الزاهيه

تعيش على وش خريفها

مدد يا فادى يا اسكندر

على خطى محمد الاشقر

على طريق ابن أبو عيطه

جمّـع مظاهراتنا مشاعـر

ويغير من الهتافات شاعر

يحفظ ديوان لأمـين الديب

يلاقى شعب كـأنه أديب

عندك فى شِعره

بلاد .. تقاسيم

عندك حجازى وعمرو سليم

والنكته بوزاره تعليم
باموت يا مصر المتباعة

باموت يا مصر المنهوبة

شمسك تسير عكس الساعة

والعين على العمى مغصوبة

مدد يا وائل ويا عيسى

مصر الشباب عالترويسة

فضحوا الوحوش السعرانة

أكلتنا جامع وكنيسة

مدد يا وائل ويا عيسى

مدد يا غـد ويا كفاية

أبو العلا .. ماضى.. معايا

في طريق ما يعرفش نهاية

الا بميلاد مصر الحرة

الا بميلادنا ...ومـددنا

وكرامة تفضل لولادنا

مدد يا آية فى سورة العصر

مدد يا تمثال نهضة مصر

مدد يا فيلم صلاح الدين

مدد يا حماد ...ويا حمدين

متصدرين باسم الامة

للمجزره ..وقوانين سكاكين

للمبخره.....وقوانين زنازين
باموت يا مصر ومخنـوقلك

عبد الحميد شتا مشنوقلك

ميت عشان فرصته بتضيع

لولاد كلاب و ولاد جرابيع

ثابتين على عرش فشلهم

نايمين على وش عسلهم

سرقوا الرغيف والحريه

سرقوا السياسة الخارجيه

إدوا الحرامى....بنوك الوزو

إدوله مصنع طعمه يلذ

وادوله فندق لجل يهـز

وادوا الحديد لإولاد العـز

والبورصه محشورة فى جيبهم

والسد لو كنا نسيبهم

بميته و بكهربته

بكره هايدخل فى نصيبه
ممدد يا صوت عبد الناصر

مدد يا شيخ حسن البنا

نفسى فى شىء قبل الجنة

يقوم بأه حزب وطنا

ونقضى ع اللى مسرطنا

الليل يتوب عن كوابيسه

وأشوف فى مصر رئيس سابق

والجى ميكونش وريثه

مدد يا يحيى حسين يا أمين

بيخصخصوا الهوا والميادين

بيمصمصوا الناس والفدادين

باعوا الطريق الصحراوى

وباعوا احلام الجامعه

وهتكوا عرض الشرقاوى

وعملوا بيصلوا الجمعه

باعوا وباعوا وهايبيعوا

شيخ الوطن ولا رضيعه

وباعوا صوت عبد الباسط

وشهر يوليه واسابيعه
باموت يا مصر المتباعة

باموت يا مصر المنهوبة

شمسك تسير عكس الساعة

والعين على العمى مغصوبة

هاتى المدد يا منى الشاذلى

لا تخافى يوم ولا تتنازلى

وصورى مصنع غزلى

فى الاعتصام العمالى

انا كنت رب العوم ..مالى ؟؟

مقتول غريق ويا آمالى

آدى الغريق....والقاتل فين ؟؟
مدد ياعبدالغنى يا حسين

صورلى مصر المحتارة

صورلى غرقى العبارة

مالهومش حد ينجيهم

غرقوا بحاضرهم وماضيهم

البحر مفيهوش قشاية

والملح نار جوه عيونهم

وعيون بلدهم نساية

ومنارة الشط تخونهم

باموت يا مصر الغرقانة

باموت يا مصر المنكوبة

طعم الحياة كلها اهانة

وانتى عالنيل مصلوبه

مدد يا بنت الايه يا آلاء

يا حصه الوطن المشتاق

الاولى فى علم التغيير

بشرى..بألوان الطباشير

راسمه العلم فى الصفحه أسير

وبتعلنى بقلب الموجوع

ان الوطن ميادين ونجوع

تعبان من الحرمان والجوع

عين المراقب ..غفلانة

عن العيون الانسانة

بنت الخمستاشر احساس

بنت الخمستاشر تفكير

بنت الخمساتشر غنوة

على وتر علم التعبير

عين الملاحظ بتلاحظ

ان العقول جوه قوالب

مفيهمش خنساء ولا جاحظ

عين المصحح مبهوتة

من الخطوط المفلوتة

المُصحِح : يا نهار مقندل مش فايت

مش دى الاجابه المظبوطة

اضبط يا ناظر واتصرف

الناظر: يا نهار مزفت ومدوحس

مش دى الاجابه العلميه

شيلونى هيلا يا افنديه

نوصل لحد المديرية

المدير: أنا مش مدير فى القصه دى

وعيني مش شايفه قصادى

سؤالنا مفيهوش أمريكا

والبنت هى المحقوقة

وضرورى..قطعا مزقوقة

يا اما حزب الله فى لبنان

يا اما سوريا او طهران

او المقاومه العراقية

قوموا بينا نعملها قضية

(ومن الادارة التعليمى الى الادارة الامنية )

آدى سين سؤال

انطقى يا آلاء

منين عرفتى أساس الداء ؟

مين بلغك ان المأمور

بيبوس فى رجلين الاعداء ؟

مين جندك للشيوعية

ولبسك اخوانجيه ؟

انا ؟!

أنا بنت مصر الحرية

يا ديول ديول الحرامية

سرقتوا فرحتى بشبابى

سرقتوا بهجتى بكتابى

سرقتوا من لغتى الاولى

سطور فى كشكول التعبير

خُدُوا منى صفر على غباكوا

وألف صفر لكل جبان

ما ذاكرش درسه عن الاوطان

بتتبنى بفكر وايمان

بتتبنى بدفتر مواليد

فيه الشهيد قبل الفنان

شكر واجب

فلنشكر كل مخبرمبلغ

عن آلاءمن أول المصحح

للناظر.. للوزير

كشفوا معدن ولادى

وبلّغوا الحبابيب

وبلّغوا الاعادى

ان النشيد مازال

هو نشيد.. بلادى

إبراهيم عيسى

إبراهيم عيسى

الصحفى الذى علم المصريين معنى الصحافة الحرة

*وجود اسم عيسى رئيساً للتحرير سبب نجاح
الدستور .

*إبر اهيم عيسى ....... رجل الخلطة السحرية.

*الدستور جريدة ثبتت نجاحها بفضل عيسى وإذا لاقدر الله تركها فلن تقام لها قامة.

ليس تعليق او رأى فى استاذ الصحافة الحرة النزيهة فى مصر ولكن ما اكتبه الان هو عجز منى عن وصف ما بداخلى لهذا الصحفى المنوفى الاصيل إنه الاستاذ ابراهيم عيسى ... اسمه لا يحتاج مقدمات ولا تعريف لأنه بقلمه الجريئ جعل العالم كله يتحدث عنه والتاريخ خير شاهد على هذا الرجل .... ولكن ما احب ان اضيفه ان جريدة الدستور هى الاقرب لقلبى بل الاقرب لكل مواطن منوفى وإذا تسائلت ما السبب وراء ذلك فبكل بساطة أقول لك الاكل الحلو ذو الطعم الجميل الذى يشبه اكل الست الوالدة أكيد بيكون بالزبدة البلدى وهذا ما تجده على صفحات الدستور فأنا أحد القراء لجريدة الدستور وخاصة مقال "عيسى " وعند قراءة الدستور أشعر فعلاً اننى أقرأ صحافة بكل انواعها وأشكالها صحيح صحافة قاسية ولكنها حرة نزيهة والاطرف فى الموضوع ان لغة عيسى تشعرنى بأننى بالرسالة الجديدة تلك الجريدة العزيزة على قلبى ... اشعر باننى ذائب فى ثنايا وأحضان الرسالة والسبب وراء ذلك عيسى وانا أرى من وجهة نظرى انه لاقدر الله اذا ترك عيسى الدستور فلن يقام لها قامة بعد ذلك وبسؤالى لأكثر من قارئ للدستور اكدوا لى جميعا أن وجود مقال إبراهيم عيسى فى الصفحة الاولى سبب شرائنا للدستور وأن وجود ابراهيم عيسى رئيسا ً للتحرير سبب فى نجاح الدستور ... اذن وبكل جراءة عيسى استطعم فعلاً على صفحات الدستور بطعم الصحافة الحقيقية .. الحرة النزيهة .... القريبة للغة الرسالة الجديدة.
أحمد طاحون
Tahoon_1989@yahoo.com